ដើម្បីអបអរសាទរការបើកនគរថ្មី ចតុមុខ JX Tattoo បានរៀបចំព្រឹត្តិការណ៍ផ្ដល់រង្វាន់រហូតដល់ទៅ 1,000,000 Sabay Golds សម្រាប់ប្រិយមិត្តអ្នកកម្សាន្តក្នុងនគរថ្មីនេះ។ Wow… ១លាន Golds, រង្វាន់ច្រើនម៉េស??? ឲ្យណាគេខ្លះទៅ?
សម្រាប់រង្វាន់ ១លាន Sabay Golds នេះនឹងត្រូវបែងចែកជា ២ រង្វាន់ ដោយក្នុងនោះ 700,000 Sabay Golds នឹងត្រូវបានបែងចែកប្រគល់ជូនកំពូលអ្នកប្រយុទ្ធនិស្ស័យស្នេហ៍ដាវទេពទាំងឡាយណា ដែលធ្លាប់ឬកំពុងកាន់តំណែងជាស្ដេចប្រយុទ្ធ Marshal ក្នុងអំឡុងណាមួយចាប់ពីថ្ងៃទី ១៤ ខែមិថុនា រហូតដល់ថ្ងៃទី ០៩ ខែកញ្ញា ឆ្នាំ២០១៣។
ចំពោះតំណែងស្ដេចប្រយុទ្ធ Marshal នេះ កំពូលអ្នកប្រយុទ្ធអាចទទួលបានពីការចូលធ្វើសង្គ្រាមនៅក្នុង Mission Battlefield ភ្លើងសង្គ្រាមរវាង Song និង Liao ដែលភ្លើងសង្គ្រាមដ៏គួរឲ្យជក់ចិត្តនេះ អ្នកក្លាហានគ្រប់បក្សអាចចូលរួមប្រយុទ្ធជារៀងរាល់ថ្ងៃក្នុងកំឡុងម៉ោង 14:00-15:00 សម្រាប់អ្នកប្រយុទ្ធមានកម្រិត Level 40-60 ខណៈកំឡុងម៉ោង 15:00-16:00 និង 19:00-20:00 គឺសម្រាប់អ្នកប្រយុទ្ធដែលមានកម្រិត Level 60 ឡើងទៅ។ កាន់តែពិសេសជាង នេះទៅទៀត នៅម៉ោង 18:00-19:00 គឺសម្រាប់ប្រិយមិត្តដែលមានកម្រិត Level 40 ឡើងទៅតែម្ដង។
ចំណែក 300,000 Sabay Golds ទៀតនឹងត្រូវប្រគល់ជូន Guild ខ្លាំងដែលប្រយុទ្ធឈ្នះនៅក្នុងសង្គ្រាមទីក្រុង City War ហើយទទួលបានពិន្ទុច្រើនជាងគេ ដោយចំណាត់ថ្នាក់លេខ ១ ទទួលបាន 150,000 Sabay Golds, ចំណាត់ថ្នាក់លេខ ២ ទទួលបាន 100,000 Sabay Golds និង 50,000 Sabay Golds សម្រាប់ Guild លេខ ៣។ ចំពោះលទ្ធផលពិន្ទុនៅ City War គឺគិតមកដល់ត្រឹមថ្ងៃទី ០៩ ខែកញ្ញា ឆ្នាំ២០១៣ដូចគ្នា។
កុំភ្លេច! បទពិសោធន៍ថ្មីហើយប្លែក និងរង្វាន់ដ៏ច្រើនមហិមា កំពុងតែរង់ចាំអ្នកនៅក្នុងនគរចតុមុខ។
សេវាកម្សាន្តនិស្ស័យស្នេហ៍ដាវទេព JX Tattoo សូមរក្សាសិទ្ធិក្នុងការកែប្រែកម្មវិធីដោយមិនបាច់ជម្រាបដំណឹងជូនជាមុន។ សម្រាប់ព័ត៌មានបន្ថែម ប្រិយមិត្តអាចទំនាក់ទំនងតាមរយៈទូរសព្ទលេខ ០២៣ ២២ ៨០០០៕
ភីឆាយ
