បក្សស្មូមគឺជាបក្សមួយដ៍ធំជាងគេ ហើយក៍ជាបក្សមួយដែលមានកេត្តនាមល្បីល្បាញនៅក្នុងពិភពគុណដែល ប្រកាន់នូវវិន័យរបស់បក្សបានល្អ។ ក្បាច់បាតដៃរន្ទះបង្ក្រាបនាគរាជទាំង១៨ គឺមានតែមេបក្សមួយគត់ដែលត្រូវបានព្រឹទ្ធាចារ្យបក្សមុនផ្ទេរនូវ វត្ថុទិព្ធប្រចាំបក្សគឺឈើដំបងវាយឆ្កែ និងក្បាច់គុនរបស់វាផងដែរដើម្បីឱ្យក្លាយជាអ្នកស្នងតំណែងជា ប្រធានបក្សស្មូម។ ក្នុងអំឡុងពេលដែលប្រទេសចិនបានក្លាយជាចក្រភពដ័ធំមួយហើយច្បាំង ដើម្បីពង្រីកអាណាចក្រពេលនោះ ប្រជាជនសាម័ញ្ញគឺជាអ្នករងគ្រោះទទួលរងនូវភាពឈឺចាប់ហើយអ្នក សុំទានត្រូវបានគេមើលងាយ។ ពេលនោះហើយដែលបក្សស្មូមនាំគ្នាក្រោកឈរដើម្បីវិរៈភាព និងកិត្តិយសបន្ទាប់មកបក្សស្មូមបាននាំក្ដីសង្ឃឹមតាមរយៈ សាមគ្គីភាព និងសច្ចធម៍។
បក្សស្មូមចែកចេញជាពីរសាខាគឺ សាខាកណ្ដាប់ដៃ និងសាខាដំបង។
- សាខាកណ្ដាប់ដៃ: យុទ្ធជនដែលមានជំនាញខាងប្រើកំលាំង និងកំលាំងធាតុនៅក្នុងសង្គ្រាមពួកគេជាអ្នកប្រយុទ្ធជួរមុខ។
- សាខាដំបង : ពួកគេមានភាពងាយស្រួលក្នុងការត្រាចរដោយប្រើដំបងជាឈើច្រត់។ ពួកគេការពារខ្លួនក្នុងសមរភូមិបានយ៉ាងល្អឥតខ្ជោះដោយប្រើវិធីសាស្ត្ររំខានដល់គូរសត្រូវ។
