បច្ចុប្បន្ននេះ SkyDoor និងបេសកកម្មភ្នំលៀងសានជាបេសកកម្មពេញនិយមជាងគេ ព្រោះថាបេសកកម្មទាំង ២ អ្នកគុននិយម JX អាចរក Item ល្អៗបាន។ ទំព័រនេះ Sabay សូមបង្ហាញពីបេសសកម្មមួយទៀត ដែលអាចឲ្យអ្នកក្លាហាន JX ទាំងអស់រក Item ល្អៗបានដូចបេសកកម្មទាំង ២ ខាងលើដូចគ្នា គឺបេសកកម្ម Taixu។
Taixu ជាបេសកកម្មមួយ ដែលនាំអ្នកគុននិយមនៃបក្សទាំង ៧ ទៅកាន់ការប្រយុទ្ធជាមួយសត្វបិសាចដ៏កាចសាហាវៗជាច្រើន ក្នុងផែនទីដ៏អាថ៌កំបាំងមួយ។ ដើមចូលទៅកាន់ការប្រយុទ្ធគ្នាជាមួយមិសាចក្នុងផែនទីនោះ អ្នកក្លាហានទាំងអស់ត្រូវមាន Level ចាប់ពី ៧៣ ឡើងទៅ បន្ទាប់មកធ្វើការ Party គ្នា។
Party Leader និងសមាជិកទាំងអស់ត្រូវមាន Taixu Honey Fruit ម្នាក់មួយ ដោយត្រូវទៅជួប NPC Taoist Priest Shen You មាន ទីតាំងស្ថិតនៅក្រុង ៣ គឺ BianJing ChengDu និង QuanZhou ។ អ្នកដែលនឹងវត្តមានក្នុងបេសកកម្មនេះ ត្រូវមានគ្នាចាប់ពី ៣ នាក់ឡើងទៅ មកពីបក្សផ្សេងៗគ្នា។ ក្នុងករណីដែល Party របស់អ្នកក្លាហានមានគ្នា ៧ នាក់មកពី ៧ បក្សផ្សេងៗគ្នា ការប្រយុទ្ធគ្នាក្នុងបេសកកម្មនេះ នឹងមាន ៧ ជំហ៊ាន។ អ្វីដែលពិសេសជាងនេះទៅទៀតនោះ ក្នុងជំហ៊ានទី ៥ ៦ និងទី ៧ អ្នកក្លាហានទាំងអស់អាចនឹងមានឱកាសទទួលបាន Baku ទាំង ៨ ប្រភេទខុសគ្នា។
ប៉ុន្តែបើមានគ្នា ៣ នាក់វិញ អ្នកកម្សាន្តទាំងអស់នឹងការប្រយុទ្ធគ្នាជាមួយមេបិសាចបានត្រឹមតែ ៤ ជំហ៊ានតែប៉ុណ្ណោះ។ Baku ដែលអ្នកក្លាហានទាំងអស់មានឱកាសទទួលបានក្នុងបេសកកម្មនេះ តួអង្គទាំងអស់អាចយកទៅប្ដូរយក Taixu Accessory ឬក៏យកទៅ Active Baku Power Equipment។ សម្រាប់របៀបធ្វើ Active Baku Power Equipment Sabay នឹងធ្វើការបង្ហាញនៅពេលក្រោយ។
អ្នកគុននិយមនិស្ស័យស្នេហ៍ដាវទេពទាំងអស់ ប្រាដកជាធ្លាប់បានដឹងរួចមកហើយថា JX Tattoo មានបេសកកម្មជាច្រើនដែលអាចឲ្យប្រិយមិត្តស្វែង Item ដ៏សម្បួរបែបដើម្បីបង្កើនអានុភាពឲ្យកាន់តែអស្ចារ្យ។ ជាក់ស្ដែងបេសកកម្ម Taixu មាន Item ជាច្រើនដែលអាចឲ្យអ្នកក្លាហានធ្វើការស្វែងរកបាន តាមរយៈការចេះសហការគ្នា ប្រយុទ្ធជាមួយមេបិសាចក្នុងបេសកកម្មដ៏អាថ៌កំបាំងមួយនេះ៕
អត្ថបទ៖ តុង
