ព្រឹត្តិការណ៍ប្រកួត JX2 CNC ដ៏អស្ចារ្យមកដល់ជុំចុងក្រោយហើយសម្រាប់ខែតុលានេះ។ Fourth Round របស់ JX2 Cambodian National Championship 2012និងធ្វើឡើងនៅក្រុងភ្នំពេញ។ដែលនិងធ្វើការជម្រុះមានទាំងអស់១៦ ឬក៏ ៣២ក្រុមដើម្បីយក៤ក្រុមទៅធ្វើការប្រកួតវគ្គផ្ដាច់ព្រ័ត្រក្នុងខែវិច្ឆិកាខាងមុខ។ ការចុះឈ្មោះនិងបើកនៅថ្ងៃទី១ខែ តុលា ឆ្នាំ២០១២នេះហើយ! រៀបចំក្រុមរបស់អ្នកសំរាប់ចូលរួមប្រកួតនេះកុំអោយឱកាសដ៏អស្ចារ្យនេះកន្លងផុតអោយសោះណា!
ចុះឈ្មោះនិងទទួលបានតួអង្គកម្រិត 90 និងសម្ភារៈដ៏អស្ចារ្យសំរាប់ការប្រកួតនេះ
តារាងការប្រកួតនឹងមកដល់ក្នុងពេលឆាប់ៗនេះ!
ការបរិច្ឆេទ
- ការចុះឈ្មោះនិងចាប់ផ្តើមបើកចាប់ពីថ្ងៃទី១រហូតដល់ថ្ងៃទី២០ខែតុលាតាមរយៈគេហទំព័រ MYSABAY.COM ។
- ការប្រកួតនិងចាប់ផ្តើមនៅថ្ងៃទី២៦
- ការប្រកួតផ្តាច់ព្រ័ត្រសម្រាប់ជុំទី៤របស់ JX2 CNC និងធ្វើឡើងនៅថ្ងៃទី ……………….
- ការចាប់ឆ្នោតនិងធ្វើឡើងនៅថ្ងៃទី២៥ ខែតុលា ឆ្នាំ២០១២នៅភ្នំពេញ។ប្រធានក្រុមនិងត្រូវមកចាប់យកលេខតំណាងក្រុមនិងទីតាំងក្នុងតារាងសម្រាប់ការប្រកួត។
ការចុះឈ្មោះប្រកួត(ចុះឈ្មោះឥឡូវនេះ!)
- ការចុះឈ្មោះប្រកួតនិងចាប់ផ្តើមនៅថ្ងៃទី១ រហូតដល់ថ្ងៃទី២០ខែ តុលាឆ្នាំ២០១២
- ប្រធានក្រុមត្រូវធ្វើការចុះឈ្មោះតាមរយៈ Website ដោយប្រើប្រាស់ Sabay account និងបំពេញរាល់ព័ត៌មានទាំងអស់ដូចជាឈ្មោះក្រុមនិងលេខទូរស័ព្ទឲ្យបានត្រឹមត្រូវ។ ប្រសិនបើមានក្រុមណាមួយធ្វើការបំពេញពត៌មានឬក៏លេខទូរស័ព្ទមិនត្រឹមត្រូវមិនអាចទំនាក់ទំនងបាន Sabay មានសិទ្ធក្នុងការដកសិទ្ធរបស់ក្រុមនោះចេញពីការប្រកួត។
- ប្រធានក្រុមត្រូវចំណាយ ២០០ Sabay Coins សម្រាប់ការចុះឈ្មោះនេះ ។
- បន្ទាប់ពីប្រធានក្រុមបានធ្វើការចុះឈ្មោះរួចរាល់ហើយត្រូវធ្វើការអញ្ជើញសមាជិក៤រូបផ្សេងទៀតចូលរួមដោយប្រើប្រាស់ Sabay account របស់សមាជិកទាំងនោះហើយសមាជិកទាំង៤រូបដែលបានអញ្ជើញត្រូវធ្វើការយល់ព្រម (Accept) ឲ្យបានគ្រប់គ្នាដើម្បីក្លាយជាក្រុមពេញសិទ្ធ។
- អ្នកប្រកួតទាំងអស់និងត្រូវតែប្រើប្រាស់ Sabay account ដែលបានចុះឈ្មោះសំរាប់ធ្វើការប្រកួត។
- ក្រោយពេលការចុះឈ្មោះត្រូវបានបញ្ជាប់គឺនៅថ្ងៃទី២១ ក្រុមដែលជាប់ឈ្មោះជាក្រុមប្រកួតនិងក្រុមដែលជាប់ជាក្រុមបម្រុងអាចប្រើ Sabay Account ដែលបានចុះឈ្មោះចូលទៅកម្សាន្តជាមួយ New World (JX2 National CHAMPIONSHIPS)របស់និស្ស័យស្នេហ៍ដាវទេពបាន។
បញ្ជាក់៖
- ចំពោះអ្នកដែលប្រើ Sabay Account ថ្មីចុះឈ្មោះប្រកួតដាច់ខាត់ត្រូវធ្វើការ Enable service JX2 ជាមុនសិន ទើបអាច log ចូលទៅកាន់ New World (JX2 National CHAMPIONSHIPS)បាន។
របៀបប្រកួត
- ការប្រកួតរវាងក្រុមនិងក្រុម(៥នាក់ទល់និង៥នាក់)។
- ការប្រកួតនៅក្នុងcombat stage Arena to Heaven ក្រុងChengdu ឬ ក៏ QuanZhou។
- ការប្រកួតមានរយៈពេល១៥នាទី។
- ក្រុមដែលបានវាយសម្លាប់សមាជិកទាំងអស់របស់កក្រុមម្ខាងទៀតអស់និងទទួលបានជ័យជំនៈ។
- កំឡុងពេលប្រកួតប្រសិនបើម៉ោងនៃការប្រកួតត្រូវបញ្ចប់ក្រុមដែលនៅសល់សមាជិកច្រើនជាងជាអ្នកឈ្នះ។
- កំឡុងពេលប្រកួតបើសិនចំនួនសមាជិករបស់ក្រុមនិមួយៗស្មើគ្នានៅពេលម៉ោងនៃ ការប្រកួតបានបញ្ចប់។ក្រុមទាំងពីរនិងធ្វើការប្រកួតម្តងទៀត ដែលការប្រកួតលើកទី២នេះក្រុមនីមួយៗត្រូវបានអនុញ្ញាតិឲ្យប្រើប្រាស់ក្បាច់គុនចុងក្រោយបានចំនួនម្ដង។
- ក្រុមដែលទទួលបានជ័យជំនៈនិងរងចាំការប្រកួតជាបន្តទៀត។
ទីតាំងនៃការប្រកួត(និងមកដល់ក្នុងពេលឆាប់ៗនេះ)
សព្វាវុធនិងសម្ភារៈប្រើសំរាប់ការប្រកួត
- អ្នកកម្សាន្តដែលបានចូលរួមការប្រកួតនឹងអាចប្រើ Sabay Account ដែលបានចុះឈ្មោះចូលទៅកាន់ New World (JX2 CNC )របស់និស្ស័យស្នេហ៍ដាវទេព។ដែលអាចទទួលបានតួអង្គដែល មានកម្រិត៩០និងសម្ភារៈជាច្រើនទៀតសម្រាប់ការប្រកួតនេះ។
- រាល់សម្ភារៈដែលបើកចេញពី Book of Event អ្នកកម្សាន្តអាចប្រើប្រាស់បានក្រៅពីនេះសម្ភារៈផ្សេងៗទៀតដែល អ្នកកម្សាន្តទទួលយកបានពីបេសកកម្មផ្សេងៗទៀតមិនអាចប្រើប្រាស់បាន ទេ។
- ចុចត្រង់នេះសំរាប់ពត៌មានសម្ភារៈដែលអាចប្រើប្រាស់បាន។
លក្ខ័ណនៅពេលប្រកួត
- ប្រសិនបើអវត្តមានសមាជិកឬប្រធានក្រុមនៅពេលដល់ម៉ោងប្រកួតយើងនិងទុកពេល១០នាទីអោយក្រុមនោះសំរាប់ការហៅសមាជិកមក។
- ប្រសិនបើការប្រកួតជាការប្រកួតដំបូងក្រុមដែលមានបញ្ហាសមាជិកអាចធ្វើការប្តូរសមាជិករបស់ក្រុមបាន។
- អ្នកប្រកួតពុំអាចធ្វើការតម្លើងកម្រិត levelរបស់តួអង្ត នៅពេលដែលកំពុងប្រកួតបានទេ។
- ក្នុងការប្រកួតអ្នកប្រកួតមិនអាចប្រើប្រាស់ក្បាច់គុនចុង ក្រោយបានទេបើក្រុមណាបានប្រើប្រាស់និងត្រូវចាញ់ដោយស្វ័យប្រវត្តិ។
- តួអង្គទាំងអស់មិនអាច Buff ឬក៏ប្រើSkill support ពីខាងក្រៅ combat stage បានទេ។
- នៅពេលកំពុងប្រកួតក្រុមនិមួយៗមិនអាចនិយាយឬក៏ Chat ជាមួយក្រុមផ្សេងបានទេ។
- ពេលដែលតួអង្គត្រូវបានស្លាប់ម្ចាស់តួអង្គត្រូវរក្សា កន្លែងអង្គុយរបស់ខ្លួនមិនអាចទៅជួយក្រុមរបស់ខ្លួនឬទៅបញ្ជារតួអង្គរបស់សមាជិករបស់ក្រុមខ្លួនទេ
- សមាជិករបស់ក្រុមមួយមិនអាចចូលរួមជាសមាជិករបស់ក្រុមផ្សេងទៀតបានទេ។
- ក្រុមនិមួយៗមិនអាចជ្រើសយកតួអង្គដែលស្ថិតក្នុងសាខាដូចគ្នាក្នុងបក្សតែមួយបានទេ។
- ចំពោះការប្រើប្រាស់ hacks រឺក៏ crack software ត្រូវបានហាមឃាត់និងត្រូវចាញ់ដោយស្វ័យប្រវត្តិ។
- អ្នកប្រកួតអាចយកសម្ភារៈដែលចាំបាច់របស់ខ្លួនមកជាមួយដូចជាMouse ក៏ Keyboard ជាដើម។
- ក្នុងករណីនៅពេលកំពុងប្រកួតមានបញ្ហារអាក់រអួលផ្នែកបច្ចេកទេស ដោយពុំបានព្រៀងនោះនឹងតម្រូវឲ្យធ្វើការប្រកួតសាជាថ្មី។ ប៉ុន្ដែក្នុងករណីដែលបញ្ហានេះបង្កដោយបេក្ខជនផ្ទាល់នោះការប្រកួត និងប្រព្រឹត្តទៅជាបន្ត។
- អ្នកប្រកួតមិនអាចផ្លាស់ប្តូរតួអង្គបានទេសម្រាប់ការប្រកួតជុំបន្ទាប់។
- សម្រាប់ក្រុមដែលបានចុះឈ្មោះប្រកួតរួចរាល់ត្រូវធ្វើការបំពេញឈ្មោះនិងលេខទូរស័ព្ធឲ្យបានត្រឹមត្រូវ ប្រសិនបើយើងខ្ញុំមិនអាចទាក់ទងបានទេនោះយើងនិងធ្វើការដកបេក្ខភាពប្រកួតភ្លាមៗ ។
- ក្រុមនីមួយៗត្រូវធ្វើការរៀបចំតួអង្ករបស់ខ្លួនឲ្យបានត្រឹមត្រូវតាមលក្ខ័ណដែលបានកំណត់មុនពេលមកប្រកួតប្រសិនបើការប្រកួតចាប់ផ្ដើមហើយតួអង្គនៅមិនទាន់រៀបចំរួចរាល់នោះយើងនិងធ្វើការដកសិទ្ធប្រកួតភ្លាមៗ។
រង្វាន់សំរាប់ក្រុមអ្នកឈ្នះ
៤ក្រុមខ្លាំងចុងក្រោយនិងទទួលបាន ទឹកប្រាក់ចំនួន ៤០០.០០០រៀល ក្នុងមួយក្រុមៗ និងសំបុត្រពិសេសចូលរួមប្រកួតផ្តាច់ព្រ័ត្រ។
ក្រុមហ៊ុនសូមរក្សាសិទ្ធកែប្រែដោយពុំចាំបាច់ជម្រាបមុន!
JXII Team
