បន្ទាប់ពីបើកឆាកប្រយុទ្ធយុទ្ធសិល្បអស់រយៈពេល ២ ថ្ងៃនៅសណ្ឋាគារ Sofitel សៀមរាបកន្លងទៅនេះ សេវាកម្សាន្តនិស្ស័យស្នេហ៍ដាវទេព បានរកឃើញក្រុមជើងខ្លាំង ៤ ក្រុមប្រចាំខេត្តសៀមរាបហើយ ដោយក្រុមទាំង៤ ទទួលបានរង្វាន់មួយក្រុម ១០០ ដុល្លារ ។ តើក្រុមទាំងនោះមានឈ្មោះអ្វីខ្លះ ? តើពួកគេបានប្រយុទ្ធជាមួយក្រុមណាខ្លះ ?
ឆ្លងកាត់ពីការប្រកួតជម្រុះវគ្គទី ១ ដល់វគ្គចុងក្រោយ ក្រុមអ្នកក្លាហាន ៨ ក្រុមត្រូវបញ្ចេញក្បាច់គុន និងយុទ្ធសិល្បដាក់គ្នា ក្នុងការដណ្ដើមកន្លែងដើម្បីទៅប្រកួតវគ្គចុងក្រោយ JX II CNC 2012។ ការប្រកួតវគ្គជម្រុះចុងក្រោយនេះ ក្រុមជើងខ្លាំង Red House បានប៉ះជាមួយ break a heart ខណៈពេលដែលក្រុម Tiger បញ្ចេញយុទ្ធសិល្បឌឺដងដាក់គ្នាជាមួយនឹងក្រុម 4Ever។ នៅទីបញ្ចប់សម្រាប់ការប្រកួតវគ្គជម្រុះចុងក្រោយព្រឹកថ្ងៃទី ២២ កាលពីពេលថ្មីៗនេះ ជ័យជំនះបានទៅលើក្រុម Break a heart និងក្រុម 4Eever។
ក្រុម 4Ever
ក្រុម Break a heart
បន្តមកដល់ការប្រកួតពេលរសៀលថ្ងៃដដែលនេះវិញ គូប្រកួតបើកឆាកដំបូងគេគឺ Varacious ត្រូវចាប់គូប្រយុទ្ធជាមួយនឹងក្រុមអ្នកប្រមាញ់ទាំង ៥ The Five Hunter ស្របពេលដែលគូប្រកួតទី ២ គឺ Skyboy ប៉ះជាមួយ KSP។ ចុងបញ្ចប់នៃការប្រកួត រួមជាមួយនឹងសំឡេងហ៊ោកញ្ជ្រៀវបានធ្វើឲ្យ Varacious និង Skyboy បំបាក់គូបដិបក្ខរបស់ខ្លួនប្រកបដោយភាពជោគជ័យ។
ក្រុម SkyBoy
ក្រុម Varacious
ការប្រកួត CNC វគ្គជម្រុះនៅសៀមរាប ជាការប្រកួតស្វែងរកជើងខ្លាំង JX II ចំនួន ៤ ក្រុមនៅខេត្តសៀមរាប ដើម្បីមកប្រកួតនៅរាជធានីភ្នំពេញ ក្នុងការដណ្ដើមពានជាជើងឯក JX II ប្រចាំប្រទេសកម្ពុជា 2012។ ក្រុមប្រកួតដែលបានទទួលជ័យជំនះនៅវគ្គនេះ ទទួលបានរង្វាន់ជាទឹកប្រាក់ចំនួន ១០០ ដុល្លារដូចគ្នា ហើយចំណែកឯសោហ៊ុយធ្វើដំណើរ និងការស្នាក់នៅពេលមកប្រកួតនៅរាជធានីភ្នំពេញ Sabay ជាអ្នកទទួលបន្ទុក។
