យុវវ័យដែលគាំទ្រ JXII ធ្លាប់បានដឹងរួចមកហើយថា សេវាកម្សាន្តនិស្ស័យស្នេហ៍ដាវទេពមាន Skill ជាច្រើនទៅតាមបក្សនីមួយៗ សម្រាប់ធ្វើការប្រយុទ្ធគ្នា និងផ្សងព្រេងនៅក្នុង JX World។ បក្សទាំងអស់ មានដូចជា ៖ Shaolin , Begger Sect , Wudang, Five Posion Sect , Tang Clan , Emei និង Yang’s Family Residence ។
បក្សនីមួយៗមានជំនាញ និងបច្ចេកទេសប្លែកៗគ្នា អាស្រ័យទៅលើវត្ថុ និងធាតុសំខាន់ របស់តួអង្គមាន។ នៅទំព័រនេះ Sabay សូមបង្ហាញពី Skill ចុងក្រោយ និងអាថ៌កំបាំងនៃការហាត់ជំនាញតាមបក្សនីមួយៗ ជូនយុវវ័យទាំងអស់គ្នា ដើម្បីក្លាយជាតួអង្គវីរបុរសមួយរូប នៅក្នុងសេវាកម្សាន្ត និស្ស័យស្នេហាដាវទេព។
ក្នុងការហាត់ជំនាញ (Skill) ចុងក្រោយ គឺតម្រូវអោយតួអង្គទាំងអស់មានកម្រិតចាប់ពី ៨០ ឡើងទៅ ទើបអាចហាត់ជំនាញទាំងអស់នោះបាន។ តួអង្គនិមួយៗ តម្រូវអោយហាត់ជំនាញ (Skill) ចុងក្រោយអោយបាន ២០ កម្រិត ដើម្បីទទួលអានុភាពដ៏អស្ចារ្យក្នុងការផ្សងព្រេង និងប្រយុទ្ធគ្នានៅក្នុង JX World។
៥កម្រិតដំបូងនៃការហាត់ជំនាញចុងក្រោយគឺ Player ទាំងអស់អាចហាត់ពីលោកគ្រូ របស់ខ្លួននៅក្នុងបក្ស ដែលក្នុងពេលហាត់ ១ កម្រិតគឺត្រូវឱ្យមានReputation ចំនួន ១០ ០០០ point , មាស (Gold) ចំនួន ១ ០០០ និង ២០.០០០.០០០ Experience។ បន្ទាប់ពីហាត់បានគ្រប់ ៥ កម្រិតពីលោកគ្រូនៅក្នុងបក្សរបស់ខ្លួនរួចមកហើយនោះ តួអង្គទាំងអស់នឹងត្រូវបានឡើងមួយLevel បន្ថែមទៀត(Level 6-10)រាល់ពេលដែលប្រើប្រាស់ Skill ចុងក្រោយបាន ១០០ ដង ។
តួអង្គអាចធ្វើការផ្សងព្រេង ប្រយុទ្ធគ្នាជាមួយតួអង្គដ៏ទៃទៀត និងវាយសត្វចម្លែកដោយប្រើប្រាស់ជំនាញចុងក្រោយ រហូតទទួលបានដល់កម្រិតទី១០ ។ ក្រោយពីបានហាត់ដល់ជំនាញចុងក្រោយកម្រិតទី ១០ រួចមកនោះ តួអង្គត្រូវហាត់ថែម ១០ កម្រិតទៀត ដែលលើកនេះត្រូវហាត់ពីគម្ពីរជំនាញចុងក្រោយមួយ ដែលបានមកពីការផ្គុំគ្នារវាងគម្ពីរជំនាញចុងក្រោយចំនួនបីទៀត ( A , B និង C) ដើម្បីហាត់បង្គ្រប់អោយបាន២០កម្រិត។ រាល់ការប្រើក្បាច់គុនចុងក្រោយ គឺតម្រូវអោយមានPoint Lethal value ចំនួន ១០ ដែល Lethal Value បានមកពីការវាយ Monster ដែលមានឈាមជាភាគរយ។
បន្ទាប់ពីបានហាត់ជំនាញចុងក្រោយបានគ្រប់កម្រិតអស់ហើយនោះ តួអង្គនឹង ក្លាយជាវីរបុរសមួយរូបហើយ ដូច្នេះតួអង្គអាចធ្វើការប្រយុទ្ធគ្នា និងបង្ហាញពីអានុភាពរបស់ខ្លួននៅក្នុង JX World បានយ៉ាងរីករាយ។
Ultimate Skill គឺជាជំនាញចុងក្រោយ ដែលត្រូវបានបែងចែកទៅតាមបក្សនីមួយៗ ក្នុងការបង្ហាញពីវិជ្ជាគុននៃបក្សរបស់ខ្លួន។ ជំនាញចុងក្រោយគឺតម្រូវអោយតួអង្គនីមួយៗមានកម្រិតចាប់ពី ៨០ឡើងទៅ និងមានបទពិសោធន៍គ្រប់គ្រាន់នៅក្នុងពិភពគុណសេវាកម្សាន្តនិស្ស័យស្នេហ៍ដាវទេព៕
