ទោះបីជាឱកាសចូលឆ្នាំចិនបានកន្លងផុតទៅក៏ដោយ ក៏នៅតែមានសត្វកំណាចសាហាវមកយ៉ាយីក្រុងធំៗទាំងបីនៅក្នុង JX World ដដែល នេះហើយជាហេតុផលមួយដែលអ្នកក្លាហានជាច្រើន បាននាំគ្នាជួយវាយសត្វកំណាចទាំងនោះ។ តើសត្វនោះមានឈ្មោះអ្វីទៅ? វាយសត្វកំណាចនោះហើយទទួលបានអ្វីខ្លះ?
Nian ជាសត្វកំណាចមួយដែលតែងតែចេញមកយ៉ាយីជាយក្រុងធំៗទាំងបី នៅរៀងរាល់ម៉ោង ៧ ព្រឹក , ម៉ោង ១១ ព្រឹក និងម៉ោង ៨ យប់ តែទោះបីជាវាមានឥទ្ធិពលខ្លាំងយ៉ាងណាក៏ដោយ ក៏នៅតែមិនអាចទប់ទល់ជាមួយក្បាច់គុនអ្នកក្លាហានទាំងអស់គ្នា នៅក្នុង JX World បាននោះទេ។ មូលហេតុដែលរុញច្រានឲ្យការវាយមុងសាយនេះ ទទួលការពេញនិយម គឺដោយសារ Player ទទួលបានមុងសាយមួយសម្រាប់ជិះ ដែលមានល្បឿន ១០០ % និងរង្វាន់ជាច្រើនទៀត បន្ទាប់ពីការសម្លាប់សត្វកំណាចនោះ។ លើសពីនេះ សម្ភារៈផ្សេងៗក៏មានផងដែរ រួមជាមួយ Experience ៣០០០០០ Exp រឹតតែធ្វើឲ្យ Player ទាំងអស់គ្នាកាន់តែទទួលភាពសប្បាយ រីករាយមួយកម្រិតថែមទៀត ក្នុងការបង្កើនកម្រិតរបស់ខ្លួន។ ជារៀងរាល់ថ្ងៃ មាន Player ជាច្រើនកំពុងតែប្រើប្រាស់មុងសាយជាយាន្តជំនិះស្ទើរគ្រប់ៗគ្នា នៅគ្រប់ក្រុងទាំងអស់ក្នុង JX World ហើយក៏មានដាក់តាំងលក់តាមហាងផ្ទាល់ខ្លួនរបស់ Player ផងដែរ ។ តើមិត្តទាំងអស់គ្នាមានមុងសាយសម្រាប់ជិះហើយឬនៅ?
ព្រឹត្តិការណ៍វាយមុងសាយ ជាព្រឹត្តិការណ៍មួយដែលបានដាក់ដំណើរការនៅពេលថ្មីៗនេះ ហើយសព្វថ្ងៃកំពុងតែទទួលការពេញនិយមពីមិត្តយុវវ័យយើង ដោយសារតែការទទួលបានមុងសាយមួយ សម្រាប់ជិះ ដែលមានល្បឿនលឿន ១០០% ក្នុងការផ្លាស់ទីនៅក្នុង JX World ៕
