កាលពីទំព័រមុន Sabay បានធ្វើការបង្ហាញពីបេសកកម្មមួយដែលតួអង្គនឹងទទួលបានខោបក្ស level ៦០ តាមរយៈបេសកកម្មរបស់ក្រុង Dali របស់ NPC Zheng Quan Zhi ។ ទំព័រនេះ Sabay សូមធ្វើការបង្ហាញពីបេសកកម្មមួយបន្តពីបេសកកម្មមុន ដើម្បីទទួលបានអាវបក្សកម្រិតទី ៦០។ តើតួអង្គនឹងជួបមេបិសាចណាខ្លះ ?
បេសកកម្មបន្ត ជាបេសកកម្មដើរប្រមូលលុយពីអ្នកដែលពាក់ព័ន្ធនឹងបេសកកម្មមួយនេះ ប៉ុន្តែការប្រមូលលុយមិនមែនជាការងាយនោះទេ តួអង្គនឹងជួបមេបិសាចជាច្រើនបន្តបន្ទាប់។ ដើម្បីបំពេញបន្តពីបេសកកម្មចាស់ តួអង្គត្រូវទៅជួបជាមួយនឹង NPC Dong Jia Lou បន្ទាប់មក Dong Jia Lou នឹងពឹងឲ្យតួអង្គទៅសងលុយដែលគាត់បានជំពាក់ Zheng Quan Zhi កាលពីគ្រាមុន។
បេសកកម្មដើរប្រមូលលុយនេះ ក៏តម្រូវឲ្យតួអង្គមាន Gold នៅក្នុងខ្លួនខ្លះដែរ ដើម្បីបំពេញបេសកកម្មនេះបាន។ ជាក់ស្ដែង នៅពេលដែលតួអង្គទៅជួប NPC Zheng Quan Zhi បន្តបេសកកម្មនោះ គាត់ក៏បានពឹងតួអង្គ ឲ្យទៅយកលុយដែល Madam Dance នៅក្រុង ChengDu និង BianJing បានជំពាក់ពីការទិញសូត្ររបស់គាត់។ ថ្វីត្បិតតែ Madam Dance ជាអ្នកមានលុយ តែគាត់តម្រូវឲ្យតួអង្គទៅកម្ចាត់មេបិសាចឲ្យគាត់ជាមុនសិនទើបគាត់ព្រមប្រគល់លុយជំពាក់នោះបាន ពេលនោះហើយជាពេលដែលតួអង្គត្រូវបញ្ចេញថ្វីដៃ ដោយប្រយុទ្ធជាមួយមេបិសាចជាច្រើនដើម្បីបំពេញបេសកកម្មនេះ។ ខាងក្រោមនេះ ជាមេបិសាចដែលតួអង្គនឹងត្រូវប្រយុទ្ធជាមួយ៖
នៅពេលដែលបេសកកម្មនេះចប់ តួអង្គនឹងទទួលបានអាវបក្សកម្រិតទី ៦០ មួយជារង្វាន់ ហើយអាវបក្សនេះក៏មានអានុភាពខ្លាំងគួរសមផងដែរ។
បេសកកម្មក្រុង Dali ជាបេសកកម្មចាស់មួយសម្រាប់ Version មុនៗរបស់សេវាកម្សាន្តនិស្ស័យស្នេហ៍ដាវទេព តែនៅ Version ថ្មីនេះ JX II បានកែប្រែបេសកកម្មនេះ ដោយផ្ដល់ជាឈុតបក្សកម្រិតទី ៦០ ដល់តួអង្គបានបំពេញបេសកកម្មនោះបានចប់សព្វគ្រប់។
កុំភ្លេចណា ! ចូលកម្សាន្ត JX II តាមរយៈបេសកកម្មប្លែកៗជាច្រើនទៀតក្នុង Version 3.08 នេះ !
អត្ថបទ៖ តុង
