នៅថ្ងៃទី ៤ ដល់ថ្ងៃទី ៦ ខែឧសភា ខាងមុខនេះ សេវាកម្សាន្តនិស្ស័យស្នេហ៍ដាវទេព នឹងមានកម្មវិធីសប្បាយជាច្រើន សម្រាប់អ្នកដែលចូលរួមកម្មវិធី ICT Expo នៅមជ្ឈមណ្ឌលកោះពេជ្រ។ តើកម្មវិធីទាំងនោះ មានអ្វីខ្លះ ?
កម្មវិធីទី ១ គឺអ្នកចូលរួមទស្សនា ICT Expo ទាំងអស់មានសិទ្ធិចូលរួមគ្រប់គ្នា ដើម្បីឆ្លើយរាល់សំនួរដែលទាក់ទងជាមួយនឹងសេវាកម្សាន្តនិស្ស័យស្នេហ៍ដាវទេព ខណៈពេលដែលរាល់សំនួរដែលបានចោទសួរនោះ ត្រូវបានគេបង្ហាញនៅលើ Screen ហើយត្រូវបានផ្លាស់ប្ដូររៀងរាល់ ១ ម៉ោងម្ដង នៅខាងមុខ Sabay Zone ។ ចម្លើយមានបួនត្រូវបានបង្ហាញនៅលើ Screen និងផ្ដល់ជាជម្រើសមួយសម្រាប់អ្នករាល់គ្នាជ្រើសរើស ដោយសរសេរ JX ដកឃ្លា + (ចម្លើយដែលត្រឹមត្រូវ) ហើយផ្ញើទៅកាន់លេខ 7222 ។ រង្វាន់នឹងទទួលបានភ្លាមៗទៅដល់តួអង្គអ្នកក្នុង JX II ហើយចំណែកឯលេខទូរស័ព្ទអ្នក System នឹងបញ្ចូលទៅក្នុងបញ្ជីលេខទូរស័ព្ទ ដើម្បីចាប់ឆ្នោតយកឈុតថ្មី ដោយក្នុងមួយថ្ងៃនិងធ្វើការចាប់ចំនួន៥រង្វាន់។
កម្មវិធីទី ២ ជាឱកាសដ៏រំភើបសម្រាប់អ្នកដែលបានចូលរួមកម្មវិធីរបស់ JX បំពេញបេសកកម្មទាំង ៧ កាលពីប៉ុន្មានខែកន្លងទៅនេះ គឺ និស្ស័យស្នេហ៍ដាវទេពនឹងធ្វើការចាប់ឆ្នោតស្វែងរកម្ចាស់ម៉ូតូ Scoopy និង រង្វាន់ជាច្រើនទៀតដូចដែលបានប្រកាសកាលប៉ុន្មានខែកន្លងទៅនេះ។ ចំណែកកម្មវិធីទី ៣ វិញនោះ គឺការប្រកួតនិស្ស័យស្នេហ៍ប្រចាំឆ្នាំ ដើម្បីស្វែងរកជើងខ្លាំងដែលជាម្ចាស់រង្វាន់ដ៏អស្ចារ្យហើយរាល់ឈ្មោះរបស់តួអង្គរបស់ក្រុមជើងខ្លាំងលំដាប់ថ្នាក់លេខមួយដែលឈ្នះនឹងត្រូវបង្កើតជា NPC មួយនៅក្នុង Real Server របស់ JX II ។.
កុំភ្លេចចូលរួមរីករាយទាំងអស់គ្នា តាមរយៈសកម្មភាពរីករាយរបស់ JX II !
អត្ថបទ៖ តុង
