កាលពីរសៀលម្សិលមិញនេះ សេវាកម្សាន្តនិស្ស័យស្នេហ៍ដាវទេព បានប្រគល់រង្វាន់ដល់អ្នកឈ្នះ ២ រូប ដែលមានសំណាងឈ្នះ iPad 2 និង Laptop Dell ពី JX II។ តើអ្នកទាំងពីរនេះមានអារម្មណ៍បែបណា ?
ង៉ែត មុនីសីលា ម្ចាស់រង្វាន់ iPad2 ដែលបានឈ្នះពី JX II
“ខ្ញុំចូលទៅមើល Website Sabay ឃើញព័ត៌មានមានឈ្មោះ Hero ខ្ញុំ ! ខ្ញុំសប្បាយចិត្តមែនទែន ” នេះជាអារម្មណ៍រំភើបរីករាយរបស់ម្ចាស់រង្វាន់ iPad 2 ដែលមានឈ្មោះថា ង៉ែត មុនីសីលា ជានិស្សិតឆ្នាំទី ១ នៅសាកលវិទ្យាល័យភ្នំពេញអន្តរជាតិ។ និស្ស័យស្នេហ៍ដាវទេព ( JX II ) បានទទួលការគាំទ្រយ៉ាងខ្លាំងពីមិត្តយុវវ័យប្រទេសយើង ហើយមិនត្រឹមតែផ្ដល់ភាពសប្បាយរីករាយប៉ុណ្ណោះទេ អ្នកកម្សាន្តក៏ទទួលបានរង្វាន់ផងដែរ។ ” ខ្ញុំពេញចិត្តនឹងអ្វីដែល Sabay បានរៀបចំ ជាពិសេស JX II មិនត្រឹមតែឲ្យអ្នកលេងសប្បាយនោះទេ JX II ក៏ផ្ដល់រង្វាន់ផងដែរ ដូចជាពេលនេះ ខ្ញុំបាន iPad 2 អញ្ចឹង ! ” ។
ខេង ឃុនលី ម្ចាស់រង្វាន់ Laptop Dell ពី JX II
ដូចគ្នាទៅនឹងម្ចាស់រង្វាន់ iPad 2 ដែរ ឃុនលី ជានិស្សិតឆ្នាំទី ១ នៃសាកលវិទ្យាល័យ Westurn ផ្នែកគ្រប់គ្រង ហើយក៏ជាអ្នកឈ្នះ Laptop Dell មួយគ្រឿង ពី JX II បាននិយាយប្រាប់ថា Sabay ថា ” ខ្ញុំដឹងថាខ្ញុំឈ្នះរង្វាន់ពី JX II តាមរយៈការតាមដាន website Sabay.com.kh ពេលនោះខ្ញុំរំភើបខ្លាំងណាស់ ព្រោះថាមិននឹកស្មានថាមានសំណាងមួយក្នុងចំណោមអ្នកលេង JX II រាប់ពាន់នាក់ ” ។ ឃុនលី បន្ថែមមតិអះអាងរបស់ខ្លួនថា Sabay មិនកុហកអ្នកកម្សាន្តនោះទេ កម្មវិធីដែល Sabay បានរៀបចំគឺសុទ្ធតែល្អទាំងអស់ ព្រោះខ្ញុំធ្លាប់បានចូលរួមកម្មវិធីជប់លាង Jpoint Dealer រាល់ឆ្នាំជាមួយ Sabay ។ ទោះជាយ៉ាងណាក៏ដោយមតិមួយចំនួនបានលើកឡើងថា ឲ្យតែអ្នកចូលចិត្តលេងហ្គេមភាគច្រើនមិនសូវឆ្លាត។ ” តាមការសង្កេតរបស់ខ្ញុំ ទាំងក្មេងទាំងចាស់បើល្ងង់គឺមិនអាចលេង JX II បានទេ ភាគច្រើនយុវវ័យជនដែលមកលេង JX II នៅហាង Internet ខ្ញុំ គឺពួកគាត់សុទ្ធតែឆ្លាតវាសវៃ ” នេះជាមតិដែលបានមកពីការសង្កេតរបស់ ឃុនលី ម្ចាស់រង្វាន់ Laptop Dell ពី JX II។
ម្ចាស់រង្វាន់ទាំង ២ ខាងលើ ជាអ្នកដែលបានចូលរួមបំពេញបេសកកម្មទាំង ៧ តាមរយៈការប្រកាសឲ្យអ្នកកម្សាន្តទាំងអស់ចូលរួម ដើម្បីទទួលបានសន្លឹកឆ្នោតមួយក្នុងតួអង្គ JX II ដោយទុកផ្សងសំណាងយករង្វាន់ដ៏សន្ធឹកសន្ធាប់ពី JX II ។
អត្ថបទ៖ តុង
