និស្ស័យស្នេហ៍ដាវទេពបានផ្ដល់បេសកកម្មជាច្រើនដល់អ្នកកម្សាន្ត ដើម្បីកម្សាន្តអារម្មណ៍ និងដោះស្រាយបញ្ហាផ្សេងៗក្នុងពិភព JX II ។ ទន្ទឹមនឹងនេះ មានអ្នកកម្សាន្តមួយចំនួនធំចង់ឲ្យ JX II ផ្ដល់បេសកកម្មថ្មីៗជាច្រើន បន្ថែមទៀត ដើម្បីទទួលភាពរីករាយក្នុងការកម្សាន្តនិស្ស័យស្នេហ៍ដាវទេព។ តើមានមូលហេតុអ្វីបានជាអ្នកកម្សាន្តចង់បានបេសកកម្មថ្មី ?
លោក សៀង ប៊ុន និស្សិតឆ្នាំទី ១ ផ្នែក IT វិទ្យាស្ថាន SETEC បាននិយាយប្រាប់ Sabay ថា JX II គួរតែមានបេសកកម្មថ្មីថែមទៀត ព្រោះថារាល់ពេលរូបលោកចូលកម្សាន្ត JX គឺចូលតែបេសកកម្ម Skydoor , លៀងសាន និងបេសកកម្មបក្ស តែប៉ុណ្ណឹង ហើយក្រៅពីនេះ គឺមានតែដើរវាយគ្នាលេង និងលក់ Item។ ដូច្នេះបើ JX បង្កើតបេសកកម្មថ្មីក៏ល្អម្យ៉ាងដែរ ហើយ JX II នឹងមានអ្នកចូលកម្សាន្តកាន់តែច្រើន។
ងាកមករកយុវសិស្សឈ្មោះ សេរី ជាសិស្សថ្នាក់ទី ១១ នៅវិទ្យាស្ថានអន្តរទ្វីបវិញ បានបញ្ចេញមតិមួយទៀតស្រដៀងទៅនឹងមតិរបស់លោក សៀងប៊ុន ដែរ ” បើមានបេសកកម្មថ្មីមែនពិតជាល្អហើយ ព្រោះខ្ញុំដោះ Quest ចង់អស់ហើយ ! ” ។ បើមានបេសកកម្មថ្មីមែន តើគួរតែជាប្រភេទបេសកកម្មបែបណា ?
“ Quest ថ្មីគួរតែមាន Item ល្អៗ ទើបមានគេចូលចិត្តលេងច្រើន ” នេះជាមតិរបស់លោក លីហុង ជាម្ចាស់ហាង Internet នៅខាងត្បូងផ្សារសំណង់ ១២ ។ លោក លីហុង បានបន្ថែមទៀតថា បើមានតែបេសកកម្មថ្មី ហើយអត់មានធ្លាក់ Item ល្អ ពេលចប់បេសកកម្មនោះ ក៏អត់មានអ្នកចូលកម្សាន្តដែរ ដូច្នេះសង្ឃឹមថាក្រុមការងារ JX នឹងគិតគូលើបញ្ហានេះ។
បកស្រាយជុំវិញបញ្ហានេះ លោក ដារ៉ា ប្រធានក្រុមការងារសេវាកម្សាន្តនិស្ស័យស្នេហ៍ដាវទព បាននិយាយប្រាប់ Sabay ថា បេសកកម្មថ្មីៗនឹងមានឆាប់នេះ ហើយបច្ចុប្បន្ននេះ ក្រុមការងារកំពុងតែរៀបចំជាបណ្ដើរៗហើយ។
និស្ស័យស្នេហ៍ដាវទេព ជាសេវាកម្សាន្តមួយដែលអាចឲ្យអ្នកកម្សាន្តដើរតួជាអ្នកក្លាហានមួយរូប ដើម្បីធ្វើការផ្សងព្រេងក្នុងពិភពគុនមួយ ដែលមានបក្សជាច្រើនដូចជា បក្ស Emei បក្សស្មូម សៅលិញ , បក្សត្រកូលយ៉ាង និងបក្សពិសប្រាំជាដើម។ មិនត្រឹមតែដើរផ្សងព្រេងនោះទេ JX II ក៏អាចឲ្យអ្នកកម្សាន្តធ្វើការរាប់អានមិត្តជាមួយអ្នកកម្សាន្តដ៏ទៃទៀត ដើម្បីផ្ដល់ភាពងាយស្រួលក្នុងការបំពេញបេសកកម្មផ្សេងៗ។
