Sabay Gold ចំនួន ២ ម៉ឺនបានបញ្ជូនដល់គណនីរបស់កំពូលអ្នកប្រយុទ្ធទាំង ១៥ រូបភា្លមៗ បន្ទាប់ពី System នៃសេវាកម្សាន្តនិស្ស័យស្នេហ៍ដាវទេពបានផ្ទៀងផ្ទាត់នូវពិន្ទុរបស់ ជើងខ្លាំងគ្រប់រូបដែលបានចូលរួមប្រយុទ្ធក្នុងសមរភូមិប្រយុទ្ធ PVP ១ ទល់ ១ កាលពីខែមុន។
អាន៖ ម្ចាស់រង្វាន់កំពូលអ្នកប្រយុទ្ធ PVP ប្រចាំខែដំបូងលេចមុខហើយ
ក្រៅពីរង្វាន់ជា Sabay Gold កំពូលអ្នកប្រយុទ្ធ PVP ១ ទល់នឹង ១ ទាំង ១៥ រូបខាងលើថែមទាំងទទួលបានអាវយឺតដ៏ស្រស់ស្អាតដែលមានរូបសញ្ញា Logo JX នៅខាងមុខ និងរូបតួអង្គប្រយុទ្ធដែលមានអក្សរកំពូលអ្នកប្រយុទ្ធ PVP នៅពីក្រោយខ្នងសេវាកម្សាន្តនិស្ស័យស្នេហ៍ដាវទេពផងដែរ។
ចំពោះរង្វាន់ជា Sabay Gold និងអាវយឺតដ៏ស្រស់ស្អាតនេះ បានធ្វើកំពូលអ្នកប្រយុទ្ធ PVP ទាំង ១៥ រូបពេញចិត្តយ៉ាងថែមទាំងបាននិយាយថា នឹងព្យាយាមខំប្រឹងប្រយុទ្ធបន្តទៀតដើម្បីមកទទួលរង្វាន់ទាំងនេះនៅ ខែក្រោយៗទៀត។
ជាក់ស្ដែង ភិរុណ ម្ចាស់តួអង្គប្រយុទ្ធ MaGuz-SiSterZ មកពីបក្សស្មូមមានជំនាញប្រើកណ្ដាប់ដៃកំណាចក្នុងការសម្លាប់ សត្រូវ ហើយបានយកឈ្នះទាំង ៣០ ប្រកួតក្នុងសមរភូមិ PVP ១ ទល់នឹង ១ ប្រចាំនគរឧត្តុង្គ បានបញ្ជាក់ប្រាប់ Sabay ថា “ពិតជាឡូយមែនទែន ដែល JX បានរៀបចំរង្វាន់ជា Sabay Gold និងអាវយឺតបន្ថែម សម្រាប់ការប្រយុទ្ធគ្នាលើសមរភូមិ PVP ១ ទល់នឹង ១ បែបនេះ វាបានធ្វើឲ្យមានកំណើនអ្នកកម្សាន្តដែលធ្វើឲ្យការប្រយុទ្ធគ្នា ក៏ដូចជាបំពេញបេសកកម្មនៅក្នុង JX កាន់តែសប្បាយថែមមួយកម្រិតទៀត”។
បន្ថែមពីលើភាពសប្បាយរីករាយ យុវជន ហេង ដែលជាម្ចាស់តួអង្គប្រយុទ្ធឈ្មោះ Kanji_wife ទទួលបានជ័យជម្នះ ២៦ ដង និងចាញ់ ៤ ដងពីការប្រយុទ្ធ ៣០ ដងកាលពីខែមុន និងទទួលបានចំណាត់ថ្នាក់លេខ ៣ ប្រចាំនគរចតុមុខបានបញ្ជាក់ប្រាប់ Sabay ផងដែរថា គ្រាន់តែឃើញរូបភាពអាវយឺតដែលសេវាកម្សាន្ត JX បានបង្ហោះចូលក្នុងទំព័រហ្វេសបុកផ្លូវការរបស់ខ្លួន ខ្ញុំមានការចាប់អារម្មណ៍យ៉ាងខ្លាំង ព្រោះការរចនារបស់អាវយឺតហ្នឹងមើលទៅស្អាតមែនទែន ជាពិសេសគឺត្រង់កន្លែងអក្សរកំពូលអ្នកប្រយុទ្ធ PVP តែម្ដង។
អាន៖ Sabay Gold ជាច្រើនកំពុងរង់ចាំកំពូលអ្នកប្រយុទ្ធ PVP ១ ទល់ ១
ចំណែង ហេង ដែលជាម្ចាស់តំណែងលេខមួយប្រចាំនគរ Sabay បាននិយាយបន្ថែមទៀតថា រូបគេផ្ទាល់ពេញចិត្តនឹងព្រឹត្តិការណ៍ប្រកួត PVP នេះណាស់ ព្រោះមិនត្រឹមតែទទួលបានភាពសប្បាយរីករាយ និងដឹងពីសមត្ថភាពប្រយុទ្ធរបស់តួអង្គប្រយុទ្ធគេទេ តែថែមទាំងមានឱកាសទទួលបានរង្វាន់ពិតៗយ៉ាងច្រើនសន្ធឹកសន្ធាប់ដោយ ផ្ទាល់ទៀតផង។ “បើសិនជាអាច ខ្ញុំចង់ឲ្យការព្រឹត្តិការណ៍ផ្ដល់រង្វាន់ពិតៗនេះដល់កំពូលអ្នក ប្រយុទ្ធ PVP នេះជារៀងរហូត”។
ខ្លាំងមែន! សុទ្ធតែជើងខ្លាំងដែលមិនសូវជួបប្រទះភាពបរាជ័យក្នុងពេលប្រយុទ្ធ! ចាំមើល ខែថ្មីនេះកំពូលអ្នកប្រយុទ្ធទាំង ១៥ រូបនេះអាចរក្សាជ័យជម្នះហ្នឹងបានទៀតអត់? កុំភ្លេចតាមដានលទ្ធផលជាមួយ Sabay ទាំងអស់គ្នា៕
អត្ថបទ៖ ភីឆាយ
