ព្រឹត្តិការណ៍ទស្សន៍ទាយ Euro Cup ទើបតែបានបញ្ចប់ទៅកាលពីថ្មីៗនេះ ហើយព្រឹត្តិការណ៍នេះមានអ្នកកម្សាន្តជាច្រើនបានទទួលរង្វាន់ជា Item ល្អៗសម្រាប់ទុកយកទៅប្រើប្រាស់ក្នុងសេវាកម្សាន្ត និស្ស័យស្នេហ៍ដាវទេព។ តើអ្នកកម្សាន្តបានទទួលរង្វាន់អ្វីខ្លះ ពីការចូលរួមទស្សន៍ទាយ Euro Cup 2012 ?
ធារិទ្ធ ជានិស្សិតឆ្នាំទី ១ នៅសាកលវិទ្យាល័យន័រតុន បាននិយាយប្រាប់ Sabay ថា ” ខ្ញុំបានទទួល H.S Golden Seal ចំនួន ១ ! ” ។ ធារិទ្ធ បានបន្តទៀតថា ខ្ញុំទាយបានតែ ៤ ដងទេ ការទាយលើកទី ១ ទី ២ និងទី ៣ អត់បាន Item ល្អៗទេ តែសំណាងល្អលើកទី ៤ បាន Item មួយនេះគ្រាន់បើដែរ។
ការទទួលរង្វាន់គឺកំណត់ទៅតាមការ Random របស់ System ដូច្នេះ Item ទាំងអស់អាស្រ័យទៅតាមសំណាងរបស់អ្នកកម្សាន្ត។ ” ដូចជាសំណាងអាក្រក់ណាស់បង ! អត់អីមួយសោះ បានតែ Item ប្រើការមិនកើត ” នេះជាមតិលើកឡើងរបស់ វ៉ាន់ឌី ជានិស្សិតបញ្ចប់ការសិក្សានៅសាកលវិទ្យាល័យជាតិគ្រប់គ្រង។ វ៉ាន់ឌី បានបន្ថែមទៀតថា រូបគេផ្ទាល់សំណូមពរឲ្យក្រុមការងារ JX ដាក់ Item ល្អៗឲ្យបានច្រើនជាងនេះបន្តិចនៅ Version ក្រោយ។
ងាកមក ដារ៉ា យុវសិស្សនៅវិទ្យាល័យបាក់ទូកវិញ បានបង្ហើបមតិដល់ Sabay ថា “ ខ្ញុំបានទទួល Earth Dragon phoenix box មួយដែរ ! ” ។ ដារ៉ា បានបញ្ជាក់បន្ថែមទៀតថា រូបគេបានទស្សន៍ទាយបានតែ ២ ដងទេ ព្រោះគេអត់សូវបានបញ្ចូល Jpoint ទេ តែទោះជាយ៉ាងណាក៏ដោយ ក៏រូបគេបានឈ្នះរង្វាន់មួយដែរ ក្នុងព្រឹត្តិការណ៍ទាយ Euro Cup នេះ ។
ដើម្បីផ្ដល់ភាពសប្បាយរីករាយដល់អ្នកកម្សាន្ត និស្ស័យស្នេហ៍ដាវទេព បានបង្កើតព្រឹត្តិការណ៍មួយ ដែលអាចឲ្យអ្នកកម្សាន្តចូលរួមរីករាយទស្សន៍ទាយការប្រកួត Euro Cup តាំងពីដើមរហូតដល់ចប់ ។ អ្នកកម្សាន្តនឹងទទួលបានរង្វាន់ បន្ទាប់ពីបានទស្សន៍ទាយត្រូវ ហើយរង្វាន់គឺមានជា Item ល្អ និង Item រាយរង អាស្រ័យទៅតាមការកំណត់ដោយចៃដន្យរបស់ System ។
