NoLoveForMe គឺជាអ្នកប្រយុទ្ធទទួលបានឋានៈជាសេនាប្រមុខ Marshal មុនគេបង្អស់ក្នុងនគរ ចតុមុខ និងមានឱកាសទទួលបាន 700.000 Sabay Gold ផងដែរបើសិនជាគ្មានអ្នកក្លាហានផ្សេងទៀតមានសមត្ថភាពក្នុងការធ្វើសង្គ្រាមដណ្ដើមអំណាចឲ្យប្រទេសរបស់ខ្លួនប្រចាំសមរភូមិ Battlefield។
ប៉ុន្តែរឿងនេះមិនអាចកើតឡើងបានឡើយ ព្រោះកំពូលអ្នកប្រយុទ្ធទាំង ៧បក្សក្នុងសេវាកម្សាន្តនិស្ស័យស្នេហ៍ដាវទេព សុទ្ធតែមានសមត្ថភាពខ្ពស់ និងយុទ្ធសាស្ត្រប្រយុទ្ធរៀងៗខ្លួន ដែលធ្វើឲ្យអ្នកប្រយុទ្ធទាំងនោះមានឱកាសក្នុងការចូលរួមធ្វើជាម្ចាស់ចំណែករង្វាន់ 700.000 Sabay Gold នេះ។
ជាក់ស្ដែង ថ្មីៗនេះនគរចតុមុខ បានរកឃើញជើងខ្លាំងដែលមានទេពកោសល្យក្នុងការធ្វើសង្គ្រាមក្នុងសមរភូមិដ៏រន្ធត់ Battlefield ៣រូបទៀតហើយរួមមាន LesS_1_KicK, Xeav_EE ដែលអ្នកទាំងពីរគឺជាសេនាប្រមុខ Marshal ប្រចាំប្រទេស Liao និង Little_Bee សេនាប្រមុខ Marshal ប្រចាំប្រទេស Song។ គួរឲ្យកត់សម្គាល់ដែរថា សេនាប្រមុខ Marshal ទាំងបីរូបរបស់ប្រទេស Liao គឺសុទ្ធតែជាកំពូលអ្នកប្រយុទ្ធមកពីបក្សសៅលីង ដែលមានជំនាញប្រើកណ្ដាប់ដៃមហិមា និងរន្ទះជើងឥតស្រមោលក្នុងការសម្លាប់សត្រូវ។ ចុះសេនាប្រមុខ Marshal ដំបូងរបស់ប្រទេស Song មកពីបក្សណាដែរ?
Little_Bee គឺជាសេនាប្រមុខ Marshal ដំបូងគេរបស់ប្រទេស Song មកពីបក្សស្មូម និងមានជំនាញក្នុងការប្រើកណ្ដាប់ដៃដ៏អស្ចារ្យ ដើម្បីសម្លាប់សត្រូវទាំងឡាយណា ដែលហ៊ានរារាំងដំណើរផ្សងព្រេងក្នុងពិភពគុនរបស់ខ្លួន។
ឲ្យតែមានសមត្ថភាព និងភាពក្លាហាន ស្មូមក៏អាចធ្វើជាសេនាប្រមុខប្រចាំប្រទេសដែរ៕
អត្ថបទ៖ ភីឆាយ
