កម្រិត Level នៃកំពូលអ្នកប្រយុទ្ធក្នុងសេវាកម្សាន្តនិស្ស័យស្នេហ៍ដាវទេពពិតជាសំខាន់ណាស់សម្រាប់ការធ្វើសង្គ្រាម។ កម្រិត Level កាន់តែខ្ពស់ Attribute ឈាម(Hit Point) និងកម្លាំង(Mana Point) កាន់តែច្រើន ព្រោះ Attribute ទាំងនេះនឹងត្រូវបានបន្ថែមជារៀងរាល់នៃការឡើងកម្រិត Level របស់តួអង្គប្រយុទ្ធនីមួយៗ។
មិនតែប៉ុណ្ណោះ ជំនាញ(Skills) ពូកែៗមួយចំនួនគឺត្រូវការកម្រិត Level ខ្ពស់ទើបអាចហាត់រៀនបាន មិនខុសពីក្នុងរឿងដែលលោកគ្រូនៃបក្សនីមួយៗតែងតែផ្ទេរវិជ្ជាគុនទៅសិស្សច្បងដែលមានសមត្ថភាព ហើយអាចជឿទុកចិត្តបាន។
ទន្ទឹមនឹងនេះ បើយោងទៅតាមបទពិសោធន៍របស់អ្នកកម្សាន្តបានបង្ហាញឲ្យឃើញថា កម្រិត Level ខ្ពស់តែមួយមុខ វាមិនទាន់គ្រប់គ្រាន់សម្រាប់តួអង្គប្រយុទ្ធដែលសាហាវនោះទេ គឺត្រូវមានបន្ថែមសម្ភារៈខ្លាំងៗ តិចនិកប្រយុទ្ធ និងគម្ពីរក្បាច់គុនជាដើម។ នៅពេលដែលប្រិយមិត្តទទួលបានគម្ពីរមួយ នោះបានន័យថាប្រិយមិត្តទទួលបានក្បាច់គុន ឬយុទ្ធសិល្បមួយបន្ថែម ដែលយុទ្ធសិល្បទទួលបានមកពីការហាត់គម្ពីរនេះអាចជាការបន្ថែមសមត្ថភាពប្រយុទ្ធ ឬសមត្ថភាពការពារខ្លួនដល់តួអង្គរបស់ប្រិយមិត្ត។
ជាក់ស្ដែងគម្ពីរ Damp Shirt Scroll គឺជាគម្ពីរដែលធ្វើប្រិយមិត្តអាចការពារខ្លួនមិនឲ្យសត្រូវចូលចិត្តខ្លួនបាន ពោលគឺនៅពេលដែលសត្រូវចូលមកក្បែរតួអង្គប្រយុទ្ធរបស់ប្រិយមិត្ត សត្រូវអ្នកនឹងត្រូវខ្ទាតឆ្ងាយទៅវិញ ហើយពេលខ្លះអាចធ្វើឲ្យសត្រូវដាច់ Combo Skills របស់គេទៀតផង។ បើសាហាវយ៉ាងហ្នឹង តើធ្វើម៉េចទើបអាចយកគម្ពីរហ្នឹងបានទៅ?
អ្នកកម្សាន្តអាចទទួលបានគម្ពីរការពារខ្លួន Damp Shirt Scroll នេះពីការចូលរួមក្នុងព្រឹត្តិការណ៍ថ្មីៗ ឬការកម្ចាត់បិសាចក្នុងភូមិគ្រឹះលាក់ដាវផងដែរ។ ដើម្បីទទួលបានគម្ពីរនេះពីភូមិគ្រឹះលាក់ដាវ ដំបូងប្រិយមិត្តត្រូវបំពេញបេសកកម្មបក្សជាមុនសិន។ ក្នុងកំឡុងពេលកំពុងបំពេញបេសកកម្មបក្សរបស់ប្រិយមិត្ត ប្រិយមិត្តនឹងមានឱកាសទទួលបានបេសកកម្មមួយដែលមានឈ្មោះថា Big Happening Quest ដែលជាបេសកកម្មត្រូវកម្ចាត់បិសាចក្នុងភូមិគ្រឹះលាក់ដាវ Hidden Sword។
ការចូលទៅក្នុងភូមិគ្រឹះលាក់ដាវ Hidden Sword នេះក៏មិនមែនជារឿងងាយស្រួលដែរ ប្រិយមិត្តត្រូវមានសមាជិកយ៉ាងតិច ៥ នាក់ ហើយសមាជិកនីមួយៗត្រូវមាន Hero Invitation Card ម្នាក់៨សន្លឹកទើបអាចចូលបាន។ បន្ទាប់ពីបានចូលហើយ ប្រិយមិត្តមិនប្រាកដថានឹងទទួលបាន Damp Shirt Scroll 100% នោះទេ ព្រោះមេបិសាចនៅក្នុងភូមិគ្រឹះនោះ សុទ្ធតែមានយុទ្ធសិល្បខ្លាំងពូកែ និងមានក្បួនដាវសម្ងាត់ទៀតផង។
បទពិសោធន៍ប្រយុទ្ធ និងគម្ពីរល្អៗ កំពុងតែរង់ចាំម្ចាស់នៅក្នុងភូមិគ្រឹះលាក់ដាវ Hidden Sword។ ហ៊ានចូលអត់?
អត្ថបទ៖ ភីឆាយ
