ដើម្បីលើកទឹកចិត្តដល់កំពូលអ្នកប្រយុទ្ធស្នេហាបក្ស ឬប្រទេសរបស់ខ្លួន សេវាកម្សាន្តនិស្ស័យស្នេហ៍ដាវទេព បានបង្កើតឋានៈ ជាច្រើន និងបែងចែកឋានៈនោះយ៉ាងច្បាស់ទៅតាមសកម្មភាពរបស់កងទ័ពនីមួយៗ ដែលឋានៈទាំងនោះអ្នកក្លាហានអាចទទួលបានពីការចូលរួមប្រយុទ្ធក្នុងសមរភូមិ Battlefield។
អ្វីៗដូចជាកងទ័ពនៅក្នុងពិភពពិតអីចឹង! នៅពេលដែលប្រិយមិត្តចាប់ផ្ដើមឈានជើងចូលកម្សាន្តក្នុងសេវាកម្សាន្តនិស្ស័យស្នេហ៍ដាវទេពភ្លាម ប្រិយមិត្តនឹងទទួលបានឋានៈត្រឹមជាកូនទាហាន(Soldier)ម្នាក់ប៉ុណ្ណោះ។ ប៉ុន្តែនៅពេលដែលអ្នកប្រយុទ្ធកសាងស្នាដៃដើម្បីប្រទេសខ្លួនបានច្រើន នៅក្នុងភ្លើងសង្គ្រាម ហើយសន្សំ Merit Point បាន 50,000 អ្នកក្លាហាននឹងត្រូវបានឡើងឋានៈជាមេក្រុម(Officer) ខណៈដែលឋានៈមេកង(Commander) តម្រូវឲ្យប្រិយមិត្តសន្សំ Merit Point ឲ្យបាន 80,000។ មានតែ ៣ ឋានៈហ្នឹងទេ?
នៅមានឋានៈពិសេសៗជាងនេះទៀត គឺទ័ពស្រួច Vanguard ដែលឋានៈនេះតម្រូវឲ្យប្រិយមិត្តសន្សំ Merit Point ឲ្យបាន 120,000។ បើសិនជា ប្រិយមិត្តចង់បានឋានៈខ្ពស់ជាងនេះទៀត ពោលគឺឋានៈជាមេទ័ព General អ្នកប្រយុទ្ធត្រូវមានភាពឆ្លាតវៃ និងសមត្ថភាព ព្រមទាំងភាពក្លាហានក្នុងការសម្លាប់សត្រូវ ហើយត្រូវមាន Merit Point ចំនួន 250,000។ កាន់តែអស្ចារ្យជាងនេះទៅទៀតនោះ គឺឋានៈសេវាប្រមុខ Marshal ជាឋានៈដែលកំពូលអ្នកប្រយុទ្ធគ្រប់បក្សក្នុងសេវាកម្សាន្តនិស្ស័យស្នេហ៍ដាវទេពតែងតែប្រាថ្នាចង់បានគ្រប់ៗគ្នា។
ដើម្បីទទួលបានតំណែងដ៏មានអធិរាជសេនាប្រមុខ Marshal នេះ អ្នកប្រយុទ្ធទាំងអស់ត្រូវធ្វើការសន្សំ Merit Point ឲ្យបានរហូតដល់ទៅចំនួន 600,000 ពិន្ទុ ដែល Merit Point ទាំងនេះបានមកពីការប្រយុទ្ធគ្នាក្នុងសមរភូមិស៊ីសាច់ហុតឈាម (Battlefield) រវាងប្រទេស Song និង Liao។ នៅពេលដែលអ្នកក្លាហានបានចូលធ្វើសង្គ្រាមនៅក្នុងសមរភូមិដ៏គ្រោះថ្នាក់នេះ ប្រិយមិត្តនឹងទទួលបាន Merit Point ទៅតាមសកម្មភាពរបស់អ្នកក្នុងសមរភូមិទោះបីជាប្រទេសរបស់អ្នកក្លាហានទទួលបរាជ័យក៏ដោយ។
ចំពោះតំណែង ទ័ពស្រួច Vanguard និងមេទ័ព General ព្រមទាំងសេនាប្រមុខ Marshal មានលក្ខណៈពិសេសប្លែកពីឋានៈផ្សេងៗត្រង់ថា ឋានៈទាំង៣នេះអាចចូលរួមប្រយុទ្ធក្នុងសមរភូមិដោយសេរី ទោះបីជាប្រិយមិត្តបានចុះឈ្មោះប្រយុទ្ធយឺតពេល ឬចេញពីសមរភូមិប្រយុទ្ធដោយប្រការចៃដន្យណាមួយ។
កាន់តែពិសេសជាងនេះទៅទៀតសម្រាប់ឋានៈសេនាប្រមុខ Marshal គឺកំពូលអ្នកប្រយុទ្ធដែលទទួលបានឋានៈអាចនឹងមានដំរីចម្បាំងដ៏ធំមួយធ្វើជាយានជំនិះផ្ទាល់ខ្លួន។ គ្រាន់តែឃើញអ្នកក្លាហានណា ដែលមានដំរីចម្បាំងនេះជិះ ប្រិយមិត្តប្រាកដជាដឹងថាអ្នកក្លាហានរូបនោះគឺជាសេនាប្រមុខ Marshal ភ្លាមតែម្ដង ព្រោះមានតែអ្នកប្រយុទ្ធដែលមានឋានៈជាសេនាប្រមុខ Marshal មួយគត់ ដែលមានសមត្ថភាពយកដំរីដ៏កាចសាហាវនេះ មកធ្វើយានជំនិះបាន។
បន្ថែមពីនេះទៅទៀត សម្រាប់កំពូលអ្នកប្រយុទ្ធក្នុងនគរចតុមុខ ដែលធ្លាប់ទទួលបានឋានៈសេនាប្រមុខ Marshal (បញ្ជាក់៖ អ្នកដែលធ្លាប់ជាប់ឋានៈ ឬ កំពុងកាន់កាប់ឋានៈ Marshal) នេះមុនថ្ងៃទី ០៩ ខែកញ្ញា ឆ្នាំ២០១៣ នឹងទទួលបានរង្វាន់ជា Sabay Gold យ៉ាងច្រើនសន្ធឹកសន្ធាប់ ដែលរង្វាន់សរុបមានរហូតដល់ទៅ 700,000 Sabay Golds។
ឈានជើងចូល ប្រយុទ្ធក្នុងសមរភូមិ Battlefield ដ៏រន្ធត់ឥឡូវ ដើម្បីទទួលបានឋានៈសេនាប្រមុខ Marshal ៕
អត្ថបទ៖ ភីឆាយ
