ឆាកប្រយុទ្ធគ្នាទៅវិញទៅមករវាងក្រុមជើងខ្លាំង JX II និង AK Online សរុបចំនួន ១២ ក្រុម ទើបតែបញ្ចប់ទៅថ្មីៗនេះ ហើយនៅទីបញ្ចប់ AK Online រកបានក្រុមជើងខ្លាំង ២ ក្រុម ខណៈពេលដែល JX II រកបានជើងឯកយុទ្ធសិល្បចំនួន ៤ ក្រុម។ តើក្រុមដែលឈ្នះពីការប្រកួត CNC វគ្គជម្រុះភ្នំពេញនេះ មានឈ្មោះអ្វីខ្លះ ?
សេវាកម្សាន្ត JX II វិញអបអរសាទដល់ក្រុមជើងខ្លាំងទាំង ៤ ដែលបានបំបាក់គូប្រកួតតដៃស្ទើរតែមិនរួច នៅលើឆាកប្រកួត CNC វគ្គជម្រុះភ្នំពេញ។ ក្រុម JX II ទាំង ៤ នេះមានឈ្មោះដូចជា ៖ NeverMore , TeamRamdom , STBattleleague និង Family476។
ក្រុមដែលបានទទួលជ័យជំនះពីការប្រកួតខាងលើនេះ គឺទទួលបានឱកាសទៅប្រកួត CNC វគ្គចុងក្រោយ ដែលប្រមូលផ្តុំទៅដោយក្រុមជើងខ្លាំងមកពី ៣ តំបន់ដូចជា ខេត្តសៀមរាប ខេត្តបាត់ដំបង និងរាជធានីភ្នំពេញ។ អ្វីដែលពិសេសជាងនេះ ក្រុមទទួលជ័យជំនះទាំងអស់ ក៏ទទួលបានរង្វាន់សរុបជាទឹកប្រាក់មួយក្រុម ១០០ ដុល្លារអាមេរិកផងដែរ ពី CNC វគ្គជម្រុះជុំទី ៣ សម្រាប់ AK Online និងទី២ សម្រាប់ JX II ៕
