តើកំពូល Heroes ទាំងអស់បានចូលរួមក្នុងព្រឹត្តិការណ៍ Xmas Tree ហើយឬនៅ? ដឹងឬទេថាព្រឹត្តិការណ៍នេះមានអ្វីថ្មីហើយប្លែកសម្រាប់ Heroes ទាំងអស់? ដើម្បីដឹងពីអត្ថប្រយោជន៍និងភាពសប្បាយរីករាយក្នុងព្រឹត្តិការណ៍នេះ យើងទៅជួបជាមួយអ្នកដែលបានចូលរួមកម្សាន្តបន្តិចមើល!
សេង សុបញ្ញា និស្សិតឆ្នាំទី១នៅសាកលវិទ្យាល័យន័រតុនបាននិយាយថា Xmas Event ជាព្រឹត្តិការណ៍មួយដែលអាចអោយតួអង្គរបស់គេ ក៏ដូចជាតួអង្គដ៏ទៃទៀតទទួលនូវការឡើងកម្រិតបានយ៉ាងឆាប់រហ័សពីព្រោះ Xmas Event បានផ្ដល់ Experience ជាច្រើនដល់ Player រួមជាមួយនឹងកាដូនៅក្នុងឱកាសបុណ្យណូអែលនេះ ដែលមានបន្ថែមItem ល្អៗជាច្រើនដល់អ្នកដែលបានបើកការដូរក្នុងព្រឹត្តិការណ៍មួយនេះ។
បញ្ញា ក៏បានបន្ថែមទៀតថា គេនឹងព្យាយាមអោយតួអង្គរបស់គេឡើងដល់កម្រិត៧០ ពីព្រោះថ្ងៃនេះគេបន្ថែមកម្រិតតួអង្គរបស់គេបានពីរកម្រិតហើយ។ “ទំនេរពីរការសិក្សាខ្ញុំមាន ហេរ៉ូ មួយផ្សងព្រេងជាមួយខ្ញុំ “។
ដូចគ្នានេះដែរយុវជន ម៉ាង បានបង្ហាញពីទស្សនផ្ទាល់ខ្លួនថា ព្រឹត្តិការណ៍ បុណ្យណូអែលនៅក្នុងសេវាកម្សាន្តនិស្ស័យស្នេហ៍ដាវទេពពិត ជាសប្បាយ ដោយសារព្រឹត្តិការណ៍នេះមាន Item ថ្មីហើយប្លែក ដែលតួអង្គទាំងអស់អាចជិះលើដាវដើម្បីផ្លាស់ទីជាដើម។ ម៉ាង បន្ថែមថា ក្រៅពីនោះគេក៏អាចទទួលបាន Experience ជាច្រើនជាមួយនឹងការបើកកាដូ នៅក្នុងព្រឹត្តិការណ៍មួយនេះ។
វិសាល ក៏បានបង្ហាញចំណាប់អារម្មណ៍ផងដែរថា Xmas Event នេះពិតជាធ្វើអោយគេសប្បាយរីករាយមែនទែន ព្រោះអាចអោយគេដំឡើងកម្រិតតួអង្គរបស់គេបានយ៉ាងរហ័ស ដោយសារតួអង្គរបស់គេមានកម្រិតទាប តែឥឡូវគេទទួលបានកម្រិតមួយគួរសមដែរ។ លើសពីនេះទៅទៀតនោះ អ្វីដែលធ្វើអោយគេចាប់អារម្មណ៍នោះ គឺតួអង្គអាចជិះលើដាវបាន ដោយផ្លាស់ទីបានយ៉ាងលឿនជាមួយយានជំនិះនោះ។
ព្រឹត្តិការណ៍បុណ្យណូអែលជាព្រឹត្តិការណ៍មួយ នៅក្នុងសេវាកម្សាន្តនិស្ស័យស្នេហ៍ដាវទេព ដែលទើបបើកដំណើរការកាលពីថ្ងៃសៅរ៍កន្លងទៅនេះ ហើយតួអង្គអាចទៅទទួលកាដូរពី NPC Xmas Tree ដែលមាននៅក្រុងធំទាំងបីជារៀងរាល់ថ្ងៃចាប់ពីពេលនេះតទៅ។ បញ្ជាក់ផងដែរថា តួអង្គទាំងអស់អាចចូលកម្សាន្តនៅក្នុងព្រឹត្តិការណ៍នេះបានលុះត្រាតែមានកម្រិតចាប់ពី ១០ ឡើងទៅហើយបានចូលបក្សរួចទើបអាចចូលកម្សាន្តបាន៕
