ឈុត Esoteric ជាឈុតមួយដែលមានអនុភាពខ្លាំងមួយ ហើយតម្រូវឲ្យតួអង្គចូលបំពេញបេសកកម្មមួយដើម្បីបាន Item ទុកសម្រាប់ប្ដូរយកឈុតនេះ។ តើតួអង្គត្រូវធ្វើដូចម្ដេចទើបអាចទទួលបានឈុតនេះ ?
សម្រាប់តួអង្គដែលមានកម្រិតចាប់ពី ៨០ ឡើងទៅ System នឹងអនុញ្ញាតឲ្យចូលទៅបំពេញបេសកកម្មមួយមានឈ្មោះថា ដំណើរឆ្ពោះទៅភ្នំលៀងសាន ដោយទៅជួបជាមួយ NPC Dai Zhong មានទីតាំងស្ថិតនៅក្រុង BianJing , ChengDu និង QuanZhou។ បេសកកម្មមួយនេះ តម្រូវឲ្យតួអង្គមានគ្នាចាប់ពីបីនាក់ឡើងទៅ ហើយបក្សផ្សេងៗគ្នា ដោយប្រមូលគ្នាចូលទៅប្រយុទ្ធជាមួយមេបិសាចជាច្រើននៅក្នុងនោះ។
បន្ទាប់ពីបានកម្ចាត់មេបិសាចហើយនោះ តួអង្គនឹងទទួលបានហិបមួយជារង្វាន់សម្រាប់ការបញ្ចេញក្បាច់គុណរបស់ខ្លួន។ ទោះបីជាហិបត្រូវបានផ្ដល់ឲ្យដោយគ្មានលក្ខខណ្ឌក៏ដោយ ក៏តម្រូវឲ្យតួអង្គមាន JuJu Token ចំនួន ២ ទើបអាចបើកហិបនេះបាន ខណៈពេលដែលការបើកហិបនេះ តួអង្គនឹងមានឱកាសទទួលបាន Item ជាច្រើន ដោយរួមមានទាំង Tian Gang Token ផងដែរ។
នៅពេលដែលតួអង្គមាន Tian Gang Token ច្រើន អាចយកទៅប្ដូរយក Soul of Ancestor ដែល Tian Gang Token ចំនួន ៥ អាចប្ដូរ Soul of Ancestor ចំនួន ១ ។ ស្របពេលដែលតួអង្គមាន Soul of Ancestor ក្នុងដៃហើយនោះ តួអង្គអាចទៅជួប NPC Lui smith Disciple ស្ថិតនៅក្រុង XiangYang ដើម្បីប្ដូរយកឈុត Esoteric ហើយគ្រប់ផ្នែកនៃឈុតនេះ គឺត្រូវការ Soul of Ancestor ចំនួន១ នៅពេលធ្វើការប្ដូរម្ដង។
Esoteric ជាឈុតដែលមានអានុភាពមួយ ដែលតួអង្គអាចទទួលបានតាមការចូលទៅបំពេញបេសកកម្មភ្នំលៀងសាន ដើម្បីទទួលបាន Item ទុកសម្រាប់ប្ដូរយកឈុតនេះ។ មិនត្រឹមតែមានអានុភាពខ្លាំងនោះទេ ឈុតនេះក៏អាចឲ្យតួអង្គបន្ថែមត្បូងអានុភាពបានផងដែរ ដើម្បីឲ្យឈុតនេះកាន់តែខ្លាំងមួយកម្រិតថែមទៀត។
កុំភ្លេចបំពេញបេសកកម្មភ្នំលៀងសាន ដើម្បីយក Item ទុកប្ដូរយកឈុត Esoteric ណា !
អត្ថបទ៖ តុង
