នាពេលឆាប់ៗខាងមុខនេះ អ្នកកម្សាន្ត JX II ទាំងអស់នឹងបានជួបសង្គ្រាមក្បាច់គុនដ៏មហាអស្ចារ្យមួយ ដែលជាសង្គ្រាមរវាងអ្នកក្លាហានជាច្រើនរូបក្នុងពិភព JX II ស្ថិតនៅភាគខាងជើងនៃក្រុង QuanZhou ក្នុង Version ថ្មី 3.12 ដែលជា Version សម្រាប់ខែកក្កដា។ សង្គ្រាមនៃអាវុធ និងយុទ្ធសិល្បគ្រប់បក្សទាំងអស់ ប៉ះទង្គិចគ្នា បង្កើតបានជាភ្លើងកំហឹងដ៏កំណាចដល់តួអង្គគ្រប់រូប ដែលជាហេតុធ្វើឲ្យព្រឹត្តិការណ៍ ពេជ្ឈឃាដកំណាច លេចចេញជារូបរាងឡើង។ តួអង្គគ្រប់រូបអាចនឹងមានឱកាសទទួលងារជាពេជ្ឈឃាដកំណាចក្នុង JX II ជាមួយនឹងព្រឹត្តិការណ៌មួយនេះ។ តើតួអង្គធ្វើដូចម្ដេច ទើបអាចក្លាយជាពេជ្ឈឃាដកំណាច ?
ដើម្បីចូលរួមព្រឹត្តិការណ៍នេះបាន តួអង្គត្រូវមានកម្រិតចាប់ពី ៧៥ ឡើងទៅ ហើយចូលបក្សណាមួយក្នុងចំណោមបក្សទាំង ៧ ក្នុង JX II World។ តំបន់កៅជៀវ គឺស្ថិតនៅភាគខាងជើងនៃក្រុង QuanZhou ហើយតួអង្គដែលបានចូលទៅតំបន់នេះ ដាច់ខាតត្រូវតែមានចិត្តអង់អាច ចិត្តដាច់ ហ៊ានសម្លាប់អ្នកក្លាហានទាំងអស់ ដែលបានចូលទៅកាន់ទីនោះ ដើម្បីបញ្ចេញអានុភាពនៃក្បាច់គុន និង ទឹកចិត្តក្លាហានរបស់ខ្លួន។ បន្ទាប់ពីការប្រកួតបានបញ្ចប់ ជារៀងរាល់ថ្ងៃ JX II នឹងធ្វើការផ្ដល់រង្វាន់ដល់តួអង្គទាំងអស់ដែលចូលរួមជាមួយព្រឹត្តិការណ៍នេះ ដោយផ្ដល់រង្វាន់ពិសេសសម្រាប់តួអង្គទាំងឡាយណាដែលជាប់ក្នុងចំណាត់ថ្នាក់ ៥ ផ្សេងៗគ្នាដូចជា៖ ពេជ្ឈឃាដកំណាច ស្ដេចប្រយុទ្ធ ពេជ្ឈឃាដមុខស្រស់ ចចកមុខគជ់ និង ពេជ្ឈឃាដគ្មានមេត្តា។
រង្វាន់ដែលតួអង្គត្រូវទទួលបានមានដូចជា Item មួយចំនួន ដោយរួមមានបទពិសោធន៍ជាច្រើនដល់តួអង្គ ហើយការផ្ដល់រង្វាន់គឺគិតទៅតាមចំណាត់ថ្នាក់ទាំង ៥ ខាងលើនេះ ដើម្បីជាការលើកទឹកចិត្តនៃភាពអង់អាចក្លាហានរបស់ពូកគេ។ ក្រៅពីព្រឹត្តិការណ៍ ពេជ្ឈឃាដកំណាច JX2 version ថ្មីក៏នៅមានព្រឹត្តិការណ៍និងរង្វាន់ដ៏អស្ចារ្យជាច្រើនទៀតផងដែរ ដូច្នេះសូមកុំភ្លេចចូលកម្សាន្ត JX II ក្នុង Version 3.12 នាពេលឆាប់ៗខាងមុខនេះ។
និស្ស័យស្នេហ៍ដាវទេព ជាសេវាកម្សាន្តមួយដែលអាចឲ្យអ្នកកម្សាន្តដើរតួជាអ្នកក្លាហានមួយរូប ដើម្បីធ្វើការផ្សងព្រេងក្នុងពិភពគុនមួយ ដែលមានបក្សជាច្រើនដូចជា បក្ស Emei បក្សស្មូម សៅលិញ , បក្សត្រកូលយ៉ាង និងបក្សពិសប្រាំជាដើម។ ដើម្បីបន្ថែមភាពសប្បាយរីករាយមួយកម្រិតថែមទៀតនោះ និស្ស័យស្នេហ៍ដាវទេពបានបង្កើត ព្រឹត្តិការណ៍ថ្មីមួយទៀត គឺព្រឹត្តិការណ៍ ពេជ្ឈឃាដកំណាច ដែលជាសកម្មភាពសង្គ្រាមរបស់អ្នកក្លាហានទាំងអស់ក្នុងពិភព JX II ។
ចង់ក្លាយខ្លួនជាតួអង្គសាហាវមួយរូបទេ ? កុំភ្លេចបង្ហាញអានុភាពអ្នកជាមួយព្រឹត្តិការណ៍ពេជ្ឈឃាដកំណាចនេះ !
