កាលពីរសៀលមិ្សលមិញនេះ សេវាកម្សាន្តនិស្ស័យស្នេហ៍ដាវទេព JX II បានធ្វើការប្រគល់រង្វាន់ដល់ម្ចាស់រង្វាន់ម៉ូតូ Scoopy មួយគ្រឿង បន្ទាប់ពីបានចាប់ឆ្នោតផ្សងសំណាងកាលពីថ្ងៃ ICT Expo កន្លងទៅនេះ។ តើម្ចាស់រង្វាន់មានអារម្មណ៍បែបណា ? ហើយគេយល់យ៉ាងណាដែរចំពោះការកម្សាន្តនិស្ស័យស្នេហ៍ដាវទេព ?
“ពេលដំបូងមិត្តភ័ក្ដខ្ញុំបាន Call ទៅប្រាប់ខ្ញុំថាខ្ញុំត្រូវរង្វាន់ម៉ូតូ Scoopy ពី Sabay តែខ្ញុំអត់ជឿទេ តែពេលចូលទៅមើល Website Sabay ទៅ ! ឃើញឈ្មោះ Hero ឈ្នះរង្វាន់មែន ! ពេលនោះខ្ញុំសប្បាយចិត្តរកអ្វីផ្ទឹមមិនបានទេ ! ” នេះជាការបង្ហាញអារម្មណ៍រីករាយដែលពុំធ្លាប់ទទួលបានពីមុនមករបស់ លោក អ៊ួង តារា ជាបុគ្គលិកបម្រើការនៅក្រុមហ៊ុនឯកជនមួយ។
ជាអ្នកដែលបានចូលរួមព្រឹត្តិការណ៍បំពេញបេសកកម្មទាំង ៧ មួយរូបក្នុងចំណោមអ្នកកម្សាន្តរាប់ពាន់នាក់ លោកអ៊ួង តារា បានបន្ថែមទៀតថា ខ្ញុំសូមអរគុណដល់ Sabay ដែលបានផ្ដល់រង្វាន់ដល់អ្នកកម្សាន្ត JX II ដោយក្នុងនោះមានរូបខ្ញុំដែរ ហើយសង្ឃឹមថា Sabay នឹងមានព្រឹត្តិការណ៍ថ្មីៗជាច្រើនបន្ថែមទៀត។
មតិមួយបានលើកឡើងថា ការលេងហ្គេមធ្វើឲ្យមនុស្សចំណាយពេលវេលាឥតប្រយោជន៍ តែផ្ទុយទៅវិញលោក អ៊ួង តារា បានបង្ហាញមតិផ្ទាល់ខ្លួនថា ” ខ្ញុំលេង JX II តែពេលទំនេរប៉ុណ្ណោះ គ្មានប៉ះពាល់អ្វីដល់ការសិក្សា និងការងារខ្ញុំឡើយ ម្យ៉ាងទៀតវាជាការកម្សាន្តអារម្មណ៍មួយ បើនិយាយពីរឿងពេលវេលាវិញនោះ យុវវ័យគ្រប់រូបមិនថាគេឬខ្ញុំទេ គឺចេះបែងចែកពេលវេលាបានត្រឹមត្រូវណាស់ ”។ តារា បន្ថែមលើមតិផ្ទាល់ខ្លួនមួយចំណុចទៀតថា ជ្រើសរើសការកម្សាន្ត JX II គ្រាន់បើជាងទៅមានមិត្តភ័ក្ដិនាំគ្នាសេពគ្រឿងញៀន ឬអ្វីដែលមិនល្អក្នុងសង្គមខ្មែរយើង ហើយអ្វីដែលធ្វើឲ្យខ្ញុំចូលចិត្ត JX រហូតដល់សព្វថ្ងៃនេះ គឺ JX II ធ្វើឲ្យខ្ញុំមានមិត្តច្រើន , បង្កើនចំណេះដឹងភាសាអង់គ្លេស និងកាត់បន្ថយអារម្មណ៍អផ្សុកផ្សេងៗដែលកើតមាន។
សេវាកម្សាន្តនិស្ស័យស្នេហ៍ដាវទេព ជាសេវាកម្សាន្តមួយកំពុងទទួលការពេញនិយមយ៉ាងខ្លាំងពីមិត្តយុវវ័យកម្ពុជាយើង ហើយរយៈប៉ុន្មានខែកន្លងទៅនេះ JX II បានបង្កើតព្រឹត្តិការណ៍មួយដែលតម្រូវឲ្យអ្នកកម្សាន្តបំពេញបេសកកម្មទាំង ៧ ដើម្បីបានសន្លឹកឆ្នោត១ សន្លឹក ទុកចាប់ឆ្នោតយករង្វាន់។ នៅទីបញ្ចប់ JX II បានរកឃើញម្ចាស់រង្វាន់បានគ្រប់គ្នាហើយ ដោយរង្វាន់ធំចុងក្រោយនោះ បានទៅលើលោក អ៊ួង តារា ជាម្ចាស់ Scoopy ពី JX II ។
និស្ស័យស្នេហ៍ដាវទេព ពិភពកម្សាន្តគ្មានដែនកំណត់ !
អត្ថបទ៖ តុង
